Deer: Hvenær byrjaðiru að gera tónlist?
Emil: Ég byrjaði að spila á trommur þegar ég var 9 ára gamall. Ég hafði strax mikinn áhuga á að búa til tónlist, bæði að spila með hljómsveitum sem ég stofnaði með vinum mínum (með misgóðum árangri) og að búa hana til í tölvunni. Ég man eftir að hafa fiktað í fullt af forritum þegar ég var krakki en svo var það í áttunda bekk þegar ég byrjaði að nota Abelton Live og ég hef ekki slitið mig frá því síðan.
D: Hvaða tónlistarverkefnum ertu að vinna í núna?
E: Núna er ég að leggja mesta áherslu á sólóverkefnið mitt. Snooze Infinity. Fyrir utan það er ég að tromma með hljómsveitunum Murrk og nýstofnaða rafjazzbandinu VALD.
D: Áttu þér einhverja falda hæfileika?
E: Já ég er ógjeðslega góður í stafsentingu
D: Hvaða plötu værir þú til í að þú hefðir skrifað?
E: Það eru náttúrulega svo margar góðar en ég ætla að segja Leaving Home með Solar Fields því hún er búin að vera á repeat gjá mér síðustu vikur.
D: Hver eru framtíðarplönin?
E: Klára trommunámið mitt í FÍH og fara síðan út að læra hljóðverkfræði. Vonandi vinna við tónlist, Allavega koma mér þannig fyrir að ég get haldið áfram að búa hana til. Þá verð ég sáttur.
D: Hvað er það skrítnasta comment sem einhver hefur sagt um tónlistina þína?
E: Þegar ég var út í Litháen að spila með Murrk síðasta sumar sagði einhver gaur: "It's like when you're playing a game, and you're catching a ball... And you catch it!"
Hvaða topp 5 ofurkrafta væriru til í að hafa?
1) Ofurhraði, svona eins og gráhærði gaurinn í nýju X-Men
2) Að geta verið ósýnilegur
3)Teleportation
4)Að vera Spiderman
5)Geta smitað ást og frið í sálir fólks með að horfa á það.
Engin ummæli:
Skrifa ummæli